Tuesday, March 23, 2010

காதலாகி...கசிந்துருகி...



  • ஒரு சிறுவன் இருந்தான்...
  • யதார்த்தமானவன்
  • இயல்பை விட்டுக்கொடுக்கதவன் 
  • அதிகம் கவலை பட தெரியாதவன்...
  • சந்தோஷமாகத்தான் இருந்தான்..
  • வெள்ளை சிறகுடன் தேவதை சிறுமி ஒருவள் வந்தாள்
  • என்ன வரம் வேண்டும் ? கேள் ..! என்றாள்..
  • எனக்கென்ன தேவை? தெரியவில்லை.. என்றான்..
  • சிறுமி சிரித்தாள்
  • அவன் தலை கலைத்தாள்
  • நிலா ரசிக்க சொல்லி கொடுத்தாள்
  • பட்டாம் பூச்சியுடன் விளையாட பழக்கப்படுத்தினாள் 
  • உலகின் நீள அகலம் உணர்த்தினாள்
  • அவன் வயது குறைத்து குழந்தையாக்கினாள் 
  • அவனின் இன்னொரு தாயானாள்
  • அன்பை குழைத்து பசி மறக்க செய்தாள்
  • அக்கறை மிகுந்தாள்
  • தினம் அவனோடு விளையாடினாள்
  • அவன் கடவுளால் ஆசிர்வதிக்கபட்டதை போலானான். 
  • அர்த்தம் உணர்ந்து முழுசாய் சிரித்தான். 
  • மழை பெய்தது. 
  • அவன் கண்களில் உலகம் அழகானது. 
  • சிறுமி ஒருநாள் வரவில்லை. 
  • முதலாய் உடல் நடுக்கம் உணர்ந்தான். 
  • ஒருமுறை சரியாய் பேசவில்லை. 
  • கோபம் என்கின்ற சாத்தான் அவனுள் வேதம் ஓதினான். 
  • உன்னோடு "கா" ,  'இனி பேசாதே' என்றான்.
  • தேவதை சிறுமி கன்னம் கிள்ளி செல்லக்  கொட்டினாள்
  • எல்லாம் மறந்தான்... தன்னையும் சேர்த்து..
  • இப்படி ஒவ்வொருமுறையும் 'கா' பழமானது... 
  • கண்ணாம்பூச்சி விளையாடலாம் என்றான்..
  • சிறுமி 'நாளை ' என்றாள்.
  • இரவை வெறுத்து உடனே விடியல் கேட்டான். 
  • தாமதமாய் வந்த தேவதை மறந்துட்டேன்  என்றாள்..
  • புதிதாய் இயல்பு தொலைத்தான்
  • சினம் மிகுந்தான். 
  • துரோகங்களை கூட மறக்க தெரிந்தவனுக்கு ....
  • ஏமாற்றங்களை மன்னிக்க தெரியவில்லை. 
  • முதலாய்.. ஒரு துளி கண்ணீர் இழந்தான். 
  • எங்கும் போகதே.. என்னோடு மட்டும் விளையாடு என்றான் 
  • "உலகம் பெரியது.. நான் எல்லோரையும் மகிழ்விக்க வேண்டும்" என்றது தேவதை. 
  • இயலாமை உணர்ந்தான். மௌனமானான். 
  • "உன்னோடும் நான் இருப்பேன்" என்றது தேவதை. 
  • அவன் தெளிவாகவில்லை. 
  • சமாதானம் தெளிவாக இல்லை. 
  • தேவதை தினம் வரும், புன்னகைக்கும் , போகும். 
  • ஏனோ அவன் பசிக்கு அது போதவில்லை. 
  • இடைவெளி மிகுந்தது..
  • எதையும் இழக்கவில்லை அவன், 
  • அனால் எல்லாம் தொலைத்தது போலானான். 
  • மாற்றங்களின் நியதி அவனுக்கு புரிபடவில்லை, 
  • ஏனோ, சிறுவன் இப்போது சந்தோஷமானவனாக  இல்லை. 

    1 comment:

    1. 'மறுந்துட்டேன்'-இந்த வார்த்தையை மிகவும் ரசித்தேன்.Word Verfication-ஐ‍ தூக்கிடலாமே?

      ReplyDelete

    you might like this also...

    Related Posts with Thumbnails