Thursday, July 29, 2010

கனிமொழி - இசை விமர்சனம்


சில ஆல்பங்களுக்காக  காது மேல் காது வைத்து காத்திருப்போம். ஆனால் அது சொதப்பி விடும்.(உதாரணம் : தில்லாலங்கடி)  சில ஆல்பங்களை  எந்த வித எதிர்ப்பார்ப்பும் இன்றி போகிற போக்கில்  கேட்போம். அது அப்படியே உயிரை  கரைத்து பெவிகால் போட்டு மனசுக்குள் அமர்ந்து கொள்ளும் (உதாரணம் : மின்னலே). அந்த வரிசையில்  இதோ ஒரு பரவச ஆல்பம் 'கனிமொழி' 

முதலில், இந்த பட பாடல்களை கேட்க எனக்கு எந்த ஒரு தூண்டுதலுமே ஏற்படவில்லை. யதோட்சையாக இதன் இசையமைப்பாளர் "சதீஷ் சக்ரவர்த்தி" என்ற பெயரை பார்த்ததுமே மனதில் ஒரு பொறி. 'லீலை' (படம் இன்னமும் ரிலீஸ் ஆகவில்லை) இவருக்கு மிக சிறந்த விசிட்டிங் கார்டு. அதில் வரும் "ஜில்லென்று ஒரு கலவரம்" மற்றும் "பொன் மாலை பொழுது" இரண்டும்  என்னுடைய ஆல் டைம் FAVOURITE SONGS . அதில் பத்து அடி பாய்ந்திருந்தால் இதில் 20  அடி பாய்ந்திருக்கிறார் சதீஷ். 

முதல் பாடல் "பெண்ணே போகதே" இந்த ஆல்பத்துக்கு ஒரு திருஷ்டி போல. அதை விட்டு தள்ளுங்கள். அதற்க்கு பிறகு வரும்  பாடலான "முழு மதி"  விஜய் யேசுதாஸ், பெலே ஷிண்டே குரல்களில் தித்திக்கிற ஸ்வீட் மெலடி. பாடல் முழுதும் அவ்வளவு அற்புதமான ஆர்கஸ்ட்ரேஷன். இதே பாடல் குரல்கள் இல்லாமல் கீ-போர்டு, புல்லாங்குழலில்  இன்னமும் வசீகரிக்கிறது. 

முகேஷ், பெலே ஷிண்டே, "யாரோ இவள் இவள் யாரோ"  பாடலில்  உற்சாக  காதல் திருவிழா நடத்தியிருக்கிறார்கள். எளிமையான வரிகள், தாளம் போட வைக்கும் மெட்டு என பாடல் களை கட்டுகிறது. 

கடைசியாக கிளிண்டன், சதீஷ் சக்ரவர்த்தி குரல்களில்   "தட தட என்று"  பாடல்.  மாலை நேரம், மரங்கள் அடர்ந்த சாலை, அங்கு  மெல்லிசாய்  துளிர்க்கும் மழை, அதில் உங்கள் விருப்பமானவரின் விரல் கோர்த்து நடக்கும் போது ஒரு சந்தோஷத்தை  உணர்வீர்களே, அதே போல உணர்வு இந்த பாடலை கேட்கும் போதும் ஏற்படுகிறது.    இந்த பாடல் பற்றி என்ன சொல்ல.. சதீஷ் எதோ ஒரு மேஜிக் செய்திருக்கிறார். ஆல்பத்தில்  எனக்கு மிகவும் பிடித்த பாடல். 

நான்கு பாடல்களில் மூன்று கேட்டதும் இனிக்கிறது. இந்த படமாவது சீக்கிரம் வெளி வந்து சதிஷ்க்கு, கோலிவுட் சிவப்பு கம்பளம் விரிக்கட்டும். 

SONGS CAN LISTEN

தட தட என்று - கிளிண்டன், சதீஷ் சக்ரவர்த்தி
யாரோ இவள் இவள் யாரோ - முகேஷ், பெலே ஷிண்டே
 முழு மதி - விஜய் யேசுதாஸ், பெலே ஷிண்டே

VERDICT : 3.0 / 5.0 

Tuesday, July 27, 2010

ஒரு காதலின் டைரி குறிப்புகள்


அவள் முகம்... 

ஒரு முகம்... என் தினங்களை வண்ணங்களால் நிறைத்து அழகுபடுத்தும் திருமுகம். ஓராயிரம் சந்தோஷங்கள் அதை காணும் போதெல்லாம்..  துரு துரு கண்கள்.. முத்தமிடும் ஆசையே தூண்டும் சிவந்த இதழ்கள்... அதில் வெளிப்படும் புன்னகை... ஒரு கவிதை போல.... நிற்காது பொழியும் பரிசுத்தமான மழையே போல.. கன்னக்குழியில் இலவச இணைப்பாய் இன்னொரு புன்னகை... என் கவலைகளை துடைத்தெறியும் மந்திர புன்னகை.

குழந்தை அல்ல.. ஆனால் குழந்தைதான்.. குமரியும் அல்ல. ஆனால் குமரிதான். கன்னங்களின்  மென்மை அதை செல்லமாய் கிள்ள சொல்லி என் உயிர் எடுக்கும். கண்களில் வழியும் காதல் என்னை மொத்தமாய் திருடி என் உயிர் குடிக்கும்.

அந்த முகம் பார்க்கும் போதெல்லாம் அதன் வெளிச்சம் என் மீது பிரதிபலித்து நானும் அழகாகிறேன். ஹட்ச் நாய்க்குட்டி போல அவள் பின்னாலேயே  சுற்றி வரும் நிழல் ஆகிறேன்.

எத்தனை முறை பார்த்தாலும் சலிப்பதில்லை.. மனசு கேட்பதில்லை.  பார்க்காத தருணங்களில்  ஆக்சிஜன் இழந்த மீனை போல துடிக்கிறேன். பார்த்த நொடியில்  பரவச பட்டாசாய் வெடிக்கிறேன்.

அந்த முகம், என்னை சிரிக்க வைக்கிறது.. அவளை பற்றியே அனுதினமும் சிந்திக்க வைக்கிறது. சாந்தம் என்பது  தொலைந்து போன அழகிய தமிழ் வார்த்தை. இப்போதிருப்பவர்கள் உன் முகம் பார்த்து அர்த்தம் உணர்ந்து கொள்ளட்டும். இனி வருபவர்கள் நம் குழந்தைகளை  பார்த்து தெரிந்து  கொள்ளட்டும்.

Saturday, July 24, 2010

கரன்சி காகிதங்களுக்காக கொஞ்சம் ரத்தம் - ஜேம்ஸ் ஹாட்லி சேஸ்


கரன்சி காகிதங்களுக்காக கொஞ்சம் ரத்தம் -  ஜேம்ஸ் ஹாட்லி சேஸ்
(THE WAY THE COOKIE CRUMBLES)

உங்களுக்கு BANK ROBBERY கதைகள் மிகவும் பிடிக்குமா?  அப்படியானால் இந்த  நாவல் உங்களுக்கு செம தீனி. எதிர்பார்க்கவே முடியாத அட்டகாசமான  திட்டத்தோடு  ஒரு  பலம் வாய்ந்த பாதுகாப்பினை கொண்ட  வங்கியினை ஒரு மூவர் குழு ஆட்டையே போடும் விதம்தான் இந்த நாவலின் கரு. 

எட்ரிஸ் ஒரு குள்ளன். அவன் வேலை செய்யும் ஹோட்டலில் முரியல் என்கின்ற  பெண் தற்கொலை செய்து கொள்ள, அதை பற்றிய விசாரணையில் இருந்து கதை தொடங்குகிறது. தற்கொலைக்கு முன் அந்த பெண் தன் காதலனை தீர்த்து கட்டி விட்டு இந்த ஹோட்டலுக்கு வருவதாக காட்சிகள் விரிகின்றன. இடையே அல்கிர் என்னும் ஆறடி உயர மனிதன், முரியலின் பெண் நொரீனா படிக்கும் பள்ளிக்கு சென்று அவளை தந்திரமாக வெளிய அழைத்து வந்து  கொலை செய்கிறான்.  இப்படி இழவு மேல் இழவு விழுகின்ற நேரத்தில் ஐரா என்கின்ற படு அழகான பெண் சீனில் நுழைய, கதை வேகம் பிடிக்கிறது. அந்த கொலைகளுக்கு பின்னணியில் இருப்பது  எட்ரிஸ், அல்கிர், ஐரா ஆகிய மூவரும். காரணம்.. நம்பவே முடியாத ஆனால் நம்ப வைக்கும் அந்த அசத்தலான வங்கி கொள்ளை திட்டம். அது வெற்றிகரமாக நடந்ததா..இல்லையா என்பதை தீ பிடிக்கும் வேகத்தில் பறக்கும் நாவலின் பக்கங்களில் தெரிந்து கொள்ளுங்கள்.
படு பயங்கரமான ஆச்சர்யம், இந்த நாவல் எழுதப்பட்டது  1954ல். எந்த வித டெக்னாலஜியும் இல்லாத அந்த கால கட்டத்தில் இப்படியெல்லாம் திட்டம் போட முடியுமா என நம்மை வியப்பில் ஆழ்த்துகிறது சேஸின் எழுத்துக்கள்.
சேஸ் கதைகளை பொறுத்தவரை, வில்லன்கள் தான் இவரின் முக்கிய கதாபாத்திரங்கள். கேங் ஸ்டார் கதைகள், குழுவாக கொலை மற்றும் கொள்ளை அடிப்பதுதான் இவரின் கதைகளில் மெய்ன் தீமாக இருக்கும்.  வில்லன் யார் என்பதை கடைசி அத்தியாயங்களில் சொல்லும் முறை எல்லாம்  இவரிடம் செல்லாது. ஆரம்பமே  வில்லன்களை   அறிமுகம் செய்து விட்டு, அவர்களின்  திட்டங்களை ஒவ்வொன்றாக தெளிவாக கூறி, அதற்க்கான நடவடிக்கைகளை பரபரப்பாக கொண்டுசெல்வதுதான் இவரின் பாணி.  ஆனாலும் எப்போதுமே இவர் வில்லன்களை ஜெய்க்க  விட்டதில்லை. எவ்வளவு பெரிய அற்புதமான திட்டமானாலும், ஒரு சிறு தவறில் அவர்கள் மாட்டிக்கொள்வார்கள்.

இந்த கதையும் அதில் விதி விலக்கல்ல. 98 % வெற்றிகரமாக கடந்து ஒரு சிறிய தவறில் மாட்டிக்கொள்ளும் அவர்களுக்காக நாம் பரிதாபப்படாமல் இருக்க முடியாது. 


வெளியீடு : கண்ணதாசன் பதிப்பகம் 
விலை       : RS .120/-

Thursday, July 22, 2010

நான் மகான் அல்ல - இசை விமர்சனம்


யுவன் ஷங்கர் ராஜா - காதலுக்காக நேர்ந்து விடப்பட்ட இசையமைப்பாளர். மற்ற பாடல்களை விட காதல் பாடல்களை, அதுவும் யுவன் குரலில் கேட்கும் போது மிக எளிதாக மனசுக்கு நெருக்கமாகி விடும். துள்ளுவதோ இளமையில் நிஜமாகவே அதிகம் துள்ளியது, துள்ள வைத்தது  யுவனின் இசைதான். அதில் ஆரம்பித்து இதோ நான் மகான் அல்ல வரை அவரின் குரல்களில் கேட்கும் பாடல்கள் எல்லாமே  ஒரு வித ஈர்ப்பை, ஒரு சந்தோஷத்தை, கூடவே சேர்ந்து பாடும் விருப்பத்தை கொடுக்கின்றன. 

"வா வா நிலவ புடுச்சு" : ராகுல் நம்பியார் குரலிலும், நா.முத்து குமார் வரிகளிலும் அவ்வளவு உற்சாகம். "வா வா கட்டலாம் அன்பால் படிக்கட்டு" என நம்மையும் சேர்ந்து பாடவைக்கும் நல்ல ENERGETIC SONG. எல்லோருக்கும் பிடித்தமான மெட்டு பாடலை எளிதாக ஹிட் லிஸ்டில் சேர்த்து விடும்.  
காதலுக்கும், காதலர்களுக்கும் யுவனின் அடுத்த டெடிகேஷன் "இறகை போலே" . யுகபாரதியின் வரிகளும், யுவனின் காதலை கொஞ்சும் குரலும்,வித்தியாசமான அந்த     இன்ஸ்ட்ருமெண்டல் பிட்டும்.. அப்படியே  மெஸ்மரிசம் செய்து அந்த பாட்டுக்கு நம்மை  அடிமையாக்கி விடுகிறது. ஹய்யோ.. இன்னும் எத்தனை முறை இந்த பாடலை கேட்டுக்கொண்டே இருக்க போகிறேனோ.. EXCELLENT  SONG FROM YUVAN. 

"ஒரு மாலை நேரம்" - ஜாவித் அலி, ஷில்பா ராவ் குரல்களில்  மென்மையான ஒரு டூயட்.  ரொம்பவுமே எளிமையான ஆர்க்கேஸ்ட்ரேஷேன் வரிகளை சிதைக்காமல்  மெதுவாக ஆரம்பித்து பின் வேகம் பிடிக்கிறது.

"தெய்வம் இல்லை"  -  மது பால கிருஷ்ணன் பாடியிருக்கும் ஒரு சோக பாடல். ஆயிரத்தில் ஒருவன் "தாய் தின்ற மண்ணே " சாயல் இதில் வருவதை யுவன் தவிர்த்திருக்கலாம். 

SONGS CAN LISTEN

"இறகை போலே" - யுவன்
"வா வா நிலவ புடுச்சு" - ராகுல் நம்பியார் 


RATING  : 3.1 / 5.0

Tuesday, July 20, 2010

INCEPTION ( கனவு வேட்டை) - ஒரு அனுபவம்


மன்னிக்கவும், இது கனவு வேட்டை பற்றிய விமர்சனம் அல்ல.

படம் பார்ப்பதற்கு முன்...

கோபு அண்ணா : (மொபைலில்)  டேய் மனோ, என்ன பண்றே..

நான் : அண்ணா, கனவு வேட்டைன்னு ஒரு படம். பட்டையே கிளப்புதாம். நானும் குட்டியானும் கிளம்பிட்டோம். நீ வர்றியா..

கோபு அண்ணா : இல்லடா... இப்பதான் வேலை முடிஞ்சிது.. கொஞ்ச நேரம் தூங்கலாம்னு பார்க்கிறேன்.

நான் : தூங்கறதா இப்ப முக்கியம். இது ஒரு அட்டகாசமான, வினோதமான படம்.  மிஸ் பண்ணவே கூடாது. அப்புறம் வாழ்நாள் முழுக்க இந்த படத்தை மிஸ் பண்ணிட்டேமேன்னு வருத்தபடுவே..  படம் பார்த்தா மிரண்டு போய்டுவ... வா...

கோபு அண்ணா :என்னடா இப்படி பயமுறுத்தறீங்க.. சரி வீட்ல சொல்லிட்டு வரேன்.

இடையில் A .P யுடன் போனில் : டேய் மனோ பேசறேன், கனவு வேட்டை படத்துக்கு போறோம்.  வரியா..?

AP  : படத்துல பிட்டு வருமா..?

நான் : டேய் மூதேவி, இது ஒரு SCI -FICTION மூவி. அதெல்லாம் வராது.

AP      : அப்ப நான் வரலே..

நான் :  சரி வராதே.

தியேட்டர் செல்லும் வழியில்..

 கோபு அண்ணா: டேய், எந்த தியேட்டர் ?

குட்டியான் : M.P.S.- மங்கலம் ரோட்ல..

கோபு அண்ணா: அது இங்கிருந்து 15 KM தள்ளி இருக்கு. இந்த வெயில்ல அவ்வளவு தூரம் போகணுமாடா..

நான்: நல்ல படம் பார்க்க எவ்வளவு தூரம் வேணா போகலாம். கம்முன்னு வான்னா..



தியேட்டரில்..

குட்டியான் : படம் 2 .30 க்குதான். இன்னும் 1 .30 மணி நேரம் இருக்கு.

கோபு அண்ணா:  டேய், தியேட்டரில் ஒரு ஈ, காக்கா  இல்ல.  கம்முனு வீட்டுக்கு போய்டலாம்டா..

நான் : அண்ணா, இது உலக சினிமா மாதிரி, எவனுக்கும் இதோட அருமை தெரியலை. நமக்கு தெரிஞ்சு வந்திருக்கோம். கவலைபடாதே.. இருந்து படம் பாத்துட்டுதான் போறோம்.

கோபு அண்ணா : எனக்கு என்னமோ பயமா இருக்குடா..

குட்டியான் : யோவ், உன்னை சினிமாதானே பார்க்க சொல்றோம். சீன் படத்திலையா நடிக்க சொல்றோம். எதுக்கு பயப்படற.. கம்முனு இரு..

தியேட்டர் உள் நுழையும் போது.. 

நான் : 'அண்ணா, டிக்கெட் எடுத்துட்டியா..?'
கோபு அண்ணா: எடுத்தாச்சு..
குட்டியான் :  வாட்டர் பாட்டில் வாங்கீட்டயா?
கோபு அண்ணா: வாங்கியாச்சு..
குட்டியான் : சிப்ஸ் பாக்கெட்.
கோபு அண்ணா: வாங்கியாச்சு..
நான் : அடடா. வண்டி டோக்கேன் வாங்க மறந்துட்டேனே..
கோபு அண்ணா: இவ்வளவு வாங்கினவன், அத வாங்கமாட்டேனா, அதுக்கும் அழுதாச்சு, உள்ள போலாம் வா.

படம் ஆரம்பித்து ஒரு ரீல்  முடிவில்...

கோபு அண்ணா: டேய்.. இதென்ன சண்டை படமா..

நான் : இல்லன்னா.. SCIENCE-FICTION.

கோபு அண்ணா : அப்படீன்னா ?

குட்டியான் : கம்முனு படத்த பாருங்க. உங்களுக்கே புரியும்.


படத்தின் நடுவில்..
                      
கோபு அண்ணா : டேய், இவனுங்க ஏரோ பிளேன்லதானே  போயிட்டு இருந்தாங்க.. இதென்ன நடுவுல ஒரு ரயில் வருது. .
நான் : அது கனவுன்னே.. 
கோபு அண்ணா : டேய், அவன் பொண்டாட்டி மாடில இருந்து குதிச்சாளே.. இப்ப என்ன திரும்பவும் வரா.?
நான் : அதுவும் கனவுணே...
கோபு அண்ணா : என்ன எழவுடா இது.. ஒன்னும் புரியல.. 
குட்டியன் : நொவ், தொண தொணன்னு  பேசாம படத்தை பாரு. கடைசில உனக்கு விளக்கமா சொல்றேன். 

இடைவேளை முடிந்து கொஞ்ச நேரம் கழித்து..

கோபு அண்ணா : (தீடிரென பரபரப்பாகி) டேய் எனக்கொரு சந்தேகம். ?
நான் : சொல்லுனா ?
கோபு அண்ணா : டைட்டானிக் படத்துல வருவானே.. அவன்தானே இவன்.?
நான் : அமாம்னா..எப்பிடின்னா கரீக்ட்ட கண்டு புடுச்ச ?
கோபு அண்ணா : பரதேசி, இத்தனை நேரம் படம் பார்த்ததுல இத ஒன்னதாண்ட என்னால கண்டு பிடிக்க முடிஞ்சுது. 

கொஞ்ச நேரம், கோபு அண்ணன் படத்தை உற்று உற்று பார்த்துக்கொண்டிருந்தார். புருவங்கள் உயர்ந்து, தாழ்ந்து,நெரித்து, ஒரு மாதிரி சீட்டில் அமர முடியாமல் நெளிந்து கொண்டிருக்க கிளைமாக்ஸ் வந்தது. அதில் ஹீரோ, தான் கனவுலகத்தில் இருக்கிறோமா..நிஜ உலகத்தில் இருக்கிறமோ என அறிய, ஒரு குட்டியூண்டு பம்பரத்தை சுழல விடுவார். பம்பரம் சுற்றிகொண்டே இருந்தால் கனவுலகம். நின்று விட்டால் நிஜ உலகம். அந்த பம்பரம் சுழல.. கேமரா பம்பரத்தை நோக்கி ஜூம் ஆகா.. இத்தனை நேரம் ஒன்றும் புரியாமல் தேமேயன பார்த்துக்கொண்டிருந்த நாங்கள் இதையாவது தெரிந்து கொள்ளலாம் என ஆர்வமாய் பார்க்க.. அந்த படுபாவி ஆபரேட்டர் அதற்குள் ஸ்க்ரீனை அணைத்து விட்டான். 

பின் சீட்டில் ஒரு குரல்...

"நான் அப்பவே தலை தலையா அடிச்சுக்கிட்டேன்..தேவ லீலை போலாம், தேவ லீலை போலம்னு, அங்க போயிருந்தா உடம்பும், மனசும் கொஞ்சம் கிளுகிளுப்பவவாது இருந்திருக்கும். "

வெளிய வந்ததும், கோபு அண்ணன்.. டேய், நான் வீட்ல வேற இந்த படத்துக்கு போறேன்னு சொல்லிட்டு வந்துட்டேன்.. என் பொண்டாட்டி கதை என்னன்னு கேட்ட நான் என்னதைடா சொல்லுவேன்.  சண்டே இன்னைக்கு, கறிய தின்னுட்டு குப்புற படுத்து நல்ல தூங்கியிருப்பேன். படு பாவி பசங்களா....என் கனவை நாசமாக்கிடீங்கடா..
இரவு 11 .30 - கோபு அண்ணன் இல்லம். 

போன் மணி அடிக்க..

கோபு, என்ன தூங்கீட்டியா? நான் சூச்சு பேசறேன், ஏதோ கனவு வேட்டைன்னு படத்துக்கு போயிருந்தியாம்.. மனோ சொன்னான். படம் நல்ல இருந்துச்சா.. ?

இல்லடா கொஞ்சம் சுமார்தான். 

என்ன கதை.. ?

" %%%$$#$$#@@%))(*$$^%^#_ஒ@@!%%^^ %%%$$#$$#@@%))(*$$^%^#_ஒ@@!%%^^ "

 (எழுத்தில் சொல்ல முடியா வார்த்தைகளை கோபு அண்ணன் சொன்னதால்.. இதோடு சுபம். )
.




Friday, July 16, 2010

புலி - இசை விமர்சனம்


ரஹ்மான் இசையில்  முதல் நேரடி தெலுங்கு படம். ஆல்பம்  ரீலிசாகும் வரை  நகம் கடித்து காத்திருந்த டோலிவூட்  பாடல்களை கேட்டவுடன், சூப்பர் என்றும்  படு மொக்கை என்றும் பட்டிமன்றம் நடத்திக்கொண்டிருக்கிறது. நம்மை பொறுத்தவரை  ஆறில் மூன்று  பாடல்கள் வெகு அமர்க்களம்.   நல்ல இசை கேட்பதற்கு மொழி ஒரே தடையே இல்லை.  தெலுங்கில் எனக்கு நன்கு தெரிந்த ஒரே வார்த்தை ஜருகண்டி.. ஜருகண்டி.. (திருப்பதி புண்ணியத்தில்). இருந்தும் பாடல்களை ரசிக்க முடிவதற்கு  காரணம் ரஹ்மான் என்னும் மந்திரச் சாவி. இந்த ஆல்பம் ஒரு ஸ்லோ பாய்சன் போல.. கொஞ்சம் கொஞ்சமாய் கேட்பவரை தன்வச படுத்தி விடும்.

POWER STAR -  ஹீரோவின் INTRO பாடல் போலிருக்கிறது.  பாட்டின் ஆரம்பத்தில் ஹாரிஸ் ஸ்டைலில் வரிகள் புரியாமல் கயா முயா என்கின்ற பெண்ணின்  குரல் சற்றே வயிற்றை கலக்கினாலும், போக போக கேட்க முடிகிறது. விஜய் பிரகாஷ் கொஞ்சம் ரொமாண்டிக்கான ரகசியம் பேசும் குரலில் பாடியிருப்பதை ரசிக்கலாம். 

AMMA THALE -   நிச்சயம் 'அம்மா தலே' ஆந்திராவையே ஆட வைக்க போகிறது. அட்டகாசமான டியுன். பல்லவி, சரணம் என எந்த கட்டுப்பாடுகளும் இன்றி காட்டாறு போல பாயும் மெட்டுக்குள் நம்மையும் அறியாமல் உள் இழுத்து செல்ல படுகிறோம். நல்ல உற்சாகமான இசை பாடல் முழுதும் வழிந்தோட  ஒரு முறை கேட்டுவிட்டால் "அம்மா தலே " என நீங்கள் பாடாமல் இருக்க  முடியாது. நரேஷ் ஐயரும், ஸ்வேதா மோகனும் போட்டி போட்டுக்கொண்டு பாடியிருக்கிறார்கள்.

MAARALENTE -  இது ஒரு தெலுங்கு வந்தே மாதரம். வேகமாக போகும் தேச பக்தி பாடலான இதை  ரஹ்மானின் குரலுக்காக கேட்கலாம். 

MAHAM MAYE -  ஜாவித் அலி, சுசித்ரா குரலில் இந்தி,தமிழ்,தெலுங்கு என எந்த மொழிக்கும் செல்லுபடியாகும் மெட்டு. வித்தியாசமான ஒலிகள், வித விதமான குரல் நெளிவுகள் என வசீகரமான டூயட். இதுவும் ஹிட்லிஸ்டில்  பட்டையே கிளப்பும். 

DOCHEY -  ஆல்பத்தில் ரஹ்மானின் EXPARIMENTAL SONG. ஸ்ரேயா கோஷலின் கிறங்கடிக்கும் குரல் ஹிப் ஹாப் ஸ்டைலில் ஆரம்பித்து,  கிளாசிக்கல் டச்சில் தவழ்ந்து  வெஸ்டர்ன் ஸ்டைலில் முடிகிறது. சூப்பர்  ஆர்க்கேஸ்ட்ரேஷன். 

NAMAKAME -   சின்ன குயில் சித்ரா மற்றும் மதுஸ்ரீ  குரலில், மெலடியான ஒரு பஜன் பாடல். கொஞ்சம்... கொஞ்சம் அல்ல ரொம்பவே  ஸ்லோவாக போவது பாம்பே பட தீம் இசையே நினைவூட்டுகிறது.


SONGS CAN LISTEN 
AMMA THALE 
MAHAM MAYE
DOCHEY

மொத்தத்தில், ரஹ்மான் கையால் வெரைட்டியான ஆந்திர கம்போ மீல்ஸ் சாப்பிட்ட திருப்தி.
 
RATING : 3.3 / 5

Thursday, July 15, 2010

ஞாபகங்கள்..



    கவிதை 
    எழுத
    யோசிக்கும்
    கால நேரங்களில்...

    ட்ராபிக்கில்
    சிக்னலுக்காய்
    காத்திருக்கும்
    சில்லறை நிமிடங்களில்..

    கிட்டாரின்
    நரம்புகளை

    விரல்கள்
    தீண்டிடும்
    சிறு தருணங்களில்..

    பரபரப்பான
    கிரிக்கெட்டின்

    விளம்பர
    இடைவேளைகளில்...

    நடைபாதைக்கடை
    இட்லியே
    ருசிக்கும் பொழுது

    விக்கல்
    ஏற்படும்
    வினாடிகளில்..

    உடலின்
    ஓவ்வொரு
    மில்லி மீட்டரையும்

    மழை
    ஆக்ரமிக்கும்
    பொழுதுகளில் ...

    உன்
    புன்னகை
    முகம்

    புயலாய்  - எனை
    தாக்கும்
    போதெல்லாம்... 

    மௌனமாய்
    சிரித்துக்
    கொள்கிறேன்..

    Tuesday, July 13, 2010

    கொலையுதிர் காலம் - ஒரு பார்வை.


    சுஜாதா சாரின் சாகா வாரம் பெற்ற நாவல்களில்  கொலையுதிர் காலத்திற்கு என ஒரு தனி இடம் உண்டு. 1981 ல் எழுதிய நாவல் இது. இப்போது படித்தாலும் சும்மா விறு விறு விறுவென பறக்கிறது. 

    கணேஷ் வசந்த் ஜோடி இந்த நாவலில் பட்டையே கிளப்பியிருப்பார்கள். அதுவும் வசந்தின் டைமிங் காமெடி இந்த நாவலில் சற்று தூக்கலாகவே இருக்கும். எப்போதும் என்னை ஆச்சரிய படுத்தும் விஷயம்.. சுஜாதா சார் இந்த இரு கதா பாத்திரங்களை வடிவமைத்திருக்கும் விதம்.. கணேஷ் எப்போதுமே சீரியசாக, தன் கேள்விக்கு விடை தெரியும் வரை அதை துரத்துபவன்.. கொஞ்சமாய் பேசுவான். சுஜாதா அவர்களின் புத்திசாலித்தனம் அந்த கேரக்டர் மூலம் வெளிப்படும். வசந்த் அதற்க்கு நேர் மாறானவன்.. சீரியஸ் என்றால் கிலோ என்ன விலை என்று கேட்கும்  ஜாலி மேன். ஓயாமல் பேசி பேசி பெண்களை வளைக்க போராடுபவன்.. அவ்வப்போது A ஜோக் சொல்லி பெண்கள் முகம் சிவக்க வைப்பான். சுஜாதா அவர்களின் குறும்புத்தனம் வசந்தின் மூலம் பக்கத்துக்கு பக்கம் நம்மை வசீகரிக்கும்.

    ஒரு எஸ்டேட் சொத்து விஷயங்களை மேற்பார்வை இடுவதற்காக வரும் கணேஷ் வசந்த்,  அங்கு நடக்கும் அமானுஷ்யமான விஷயங்களை கண்டு ஆர்வத்தில் மூக்கை நுழைக்க, சில பல கொலைகள் அரங்கேறுகின்றன.. கொலைகளுக்கு காரணம்  விஞ்ஞானமா, பைசாசமா என அவர்கள் குழப்பத்தில் கும்மியடிக்க அவர்களுடன் சேர்ந்து   நாமும் பாயை பிறாண்டுகிறோம். இறுதி  வரை எது காரணம் என்கின்ற கேள்வி மண்டையே போட்டு குடைய.. சுஜாதா தன் ஸ்டைலில் கடைசி வரியில்  விடை சொல்லியிருக்கும் விதம் விசிலடிக்க வைக்கிறது.  

    சுமார் பத்து வருடங்களுக்கு முன் வாடகை புத்தக நிலையத்திலிருந்து வாங்கி படித்த இந்நாவலை ஒரு புத்தக சந்தையில் பார்த்தவுடன் வாங்க தூண்டிய விதம்தான் சுஜாதா அவர்களின் வெற்றி.
      
    பதிப்பகம் : உயிர்மை. 
    விலை      : RS.160/-
    (புத்தகம் நல்ல கனமான அட்டையில் பைன்ட் செய்திருப்பது பாராட்டப்பட வேண்டிய விஷயம். )

    Saturday, July 10, 2010

    மதராச பட்டிணம் - விமர்சனம்


    தமிழில் ஒரு டைட்டானிக்.  காதல் ஒரு காற்று போல..  யாரையும், எப்போது வேண்டுமானாலும் தீண்டிச் செல்லும். ஒரு வெள்ளைக்கார கவர்னர் பெண்ணுக்கும், சலவை தொழில் செய்யும் ஒரு இந்திய வாலிபனுக்கும் இடையே பூக்கும் இந்த காதலும் அதை சொன்ன விதமும் ஒரு செல்லுலாய்ட் ஆச்சரியம்.

    1945 - 47களில் உள்ள மதராச பட்டினத்தில் நடக்கும் க(வி)தை. அதற்காக இந்த படக்குழு மெனக்கெட்டிருக்கும் விஷயங்கள் ஏராளம். பழைய சென்ட்ரல் ரயில்வே ஸ்டேஷன், பக்கிங்காம் கால்வாய் (இப்போதைய கூவம்), டிராம் வண்டிகள், அந்த கால கார்கள், மவுண்ட் ரோடு, என தத்ரூபமாக நம் கண்களுக்குள் கொண்டு வந்து நிறுத்தி,   அதற்கு நடுவே ஒரு பரவசமான காதல் என 3 மணி நேரம் நம்மை சீட்டோடு சீட்டாய்  கட்டிப்போட்டு விடுகிறார்கள்.

    இயக்குனர் விஜய்க்கு ஒரு மிக  பெரிய ராயல் சல்யூட்.  அவரின்  திரைக்கதை, காட்சிக்கு காட்சி சபாஷ் போட வைக்கிறது. ஒரு காதல் கதைக்குள்,  கடைசி கட்ட சுதந்திர போரட்ட நிகழ்வுகள், வெள்ளையர்களின் ஆதிக்க வெறி, போராட்ட காலங்களில் சாமானிய மக்களின் பார்வை நிலை, ஆங்கில அரசுக்கு வேலை செய்யும் இந்திய அதிகாரிகளின் உணர்வுகள்,  ஆங்கிலேயே கலாச்சாரம் ("நான் கல்யாணம் பண்ணிக்க போற பொண்ணும் அவள் காதலனும் ஒண்ணா வாரங்க")   என 3 மணி நேரத்தில் அவர் தொட்டு செல்லும் தளங்கள் ஆச்சரியப்படுத்துகின்றன. இறந்த காலமும், நிகழ் காலமும் மாறி மாறி பயணிக்கும் 'ஈரம்' பட ஸ்டைல் ட்ரீட்மென்ட் கடைசி வரை  இதில்  பக்காவாக பொருந்துகிறது.

    சலவை  தொழிலாளி  பரிதியாக ஆர்யா. தன் பாத்திரம் உணர்ந்து UNDER PLAY  செய்திருக்கிறார். காதலியே தேடும் போது  பரிதவிப்பையும், குஸ்தி சண்டையில் ஆக்ரோஷத்தையும் சரியான கலவையில் முகத்தில் வெளிப்படுத்துகிறார். 

    படத்தின் உண்மையான ஹீரோ கம் ஹீரோயின் ஏமி ஜாக்சன். பாலில் நனைத்த பால்கோவா. ரயிலை பிடிக்கும் அவசரத்தில் இருப்பவன் கூட இந்த பெண்ணை பார்த்தால், நின்று, நிதானமாய் பார்த்து, மனசுருக காதலித்து விட்டுத்தான் அடுத்த ரயிலுக்கு போவான். அம்ம்புட்டு அழகு. கண்களில் காதல் அருவி அருவியாய் கொட்டுகிறது. அதே போல நடிப்பும் வெளுத்து கட்டியிருக்கிறார்.  தமிழ் நடிகைகள் இவரிடம் பகல் நேரங்களில்  டியுஷன் படிக்கலாம்.

    நீண்ட நாட்களுக்கு பிறகு, படத்தில் பல காட்சிகள் கைதட்டி, நெகிழ்வுற வைக்கின்றன. ஆர்யா, ஏமியிடம் பேசுவதற்காய் கற்று வைத்திருந்த ஆங்கிலம் மறந்து போக, தக்கி, முக்கி அதனை நினைவு கொணர தவிக்கையில் "மறந்துட்டியா" என கொஞ்சு தமிழில் ஏமி கேட்கும் போது, நமக்கு  ஜிவ் என உடலில் அட்ரிலின் சுரந்து உடல் சிலிர்க்கிறது.. அதன் தொடர்ச்சியாக வரும் 'பூக்கள் பூக்கும் தருணம்" பாடல் படு  அசத்தல். டூயட் பாடலாக இல்லாமல் மாண்டேஜ் கவிதைகளாக ஒரு பூ தொடுப்பதை போல அழகாய் கோர்த்திருக்கும் இயக்குனருக்கு ஒரு ரோஜா தோட்டத்தையே பரிசளிக்கலாம்.


    ஆர்ட் டைரக்டர் செல்வகுமார், ஒளிப்பதிவாளர் நீரவ் ஷா, இருவரும் இப்படத்திற்கு கொடுத்திருக்கும் உழைப்பும், அர்ப்பணிப்பும் யானை பலம். முக்கியமாக, தனது எல்லா படங்களிலும், தெளிவான, பிரம்மாண்ட விஷுவல்கள்   தரும் நீரவ் ஷா இந்த படத்தின் களம் உணர்ந்து அதற்க்கு தகுந்தாற்போல் ஒளிப்பதிவு செய்திருப்பது படத்தின் ஜீவனை கலைக்காமல் இருக்கிறது. அதே போல அந்த சென்ட்ரல் ரயில்வே ஸ்டேஷன் செட்டும், மணிகூண்டு செட்டும் பிரமாதம்.

    புத்தருக்கு போதி மரத்தில் ஞானம் கிடைத்தது போல, G.V. பிரகாஷ் குமாருக்கு, நீண்ட நாட்களாய் காணமல் போயிருந்த இசை ஞானம் இந்த படத்தின் மூலம் திரும்ப கிடைத்திருக்கிறது. பாடல்களும், பின்னணி இசையும்  ஆபாரம். KEEP IT UP பிரகாஷ்.



    ஒரு படத்துக்குரிய எல்லா லட்சணங்களும் இந்த படத்தில் சரியாய் பொருந்தி இருக்கிறது. துணை கதாபாத்திரங்கள், சப்- டைட்டில் வசனங்கள் என எல்லாமே பார்த்து பார்த்து செதுக்கியிருக்கிறார்கள்.  

    படத்தின் குறைகளாக சில லாஜிக் மீறல்கள் இருந்தாலும், காட்சிகளின் தாக்கம்   அதை எல்லாம் மறக்க செய்து  பார்வையாளனை  உற்சாக படுத்துவதால் குறைகள் எதுவும் கண்களுக்கு படாமல் மறைந்து தப்பித்து கொள்கின்றன. 


    "காதலிக்காமல் இருப்பதை விட காதலித்து இழப்பதே மேலானது". - டென்னிசன் சொன்னது. இந்த படமும் அதைதான் சொல்கிறது.


    (+) பிளஸ் 

    திரைக்கதை, இயக்கம்
    ஏமி ஜாக்சன்
    ஒளிப்பதிவு,
    கலை இயக்கம்
    கதை களம்
    பின்னணி இசை. 

    (-) மைனஸ் 

    பெரிதாய் ஏதும்
    கண்களுக்கு தட்டுப்படவில்லை.


    VERDICT : காதலை காதலிப்பவர்கள் கண்டிப்பாய் பார்க்கவேண்டிய படம். 


    RATING    : 5.3 / 10



    EXTRA  பிட்டுகள் : 

    • "மொழி" படத்திற்கு பிறகு தியேட்டர் மொத்தமும் படம் முடிந்து கை தட்டி பாரட்டியது. 

    • ஏய், என்னப்பா, என்ன சொல்லறீங்க, ஏமி ஜாக்சனுக்கு கோயில் கட்டறீங்களா.. அட கொஞ்சம் பொறுங்கப்பா  அந்த பொண்ணு இன்னம் ரெண்டு மூணு படம் நடிக்கட்டும். ஏது, இது ஒன்னே போதுமா? கோவிலுக்கு பேர் கூட வச்சாச்சா..? துரையம்மாள் ஆலயமா..? சரி சரி, நடத்துங்கப்பா..

    Thursday, July 8, 2010

    தில்லாலங்கடி - இசை விமர்சனம்

     
    தெலுங்கில் காட்டுதனமாய் ஓடிய "கிக் " தமிழில் தில்லாலங்கடியாக மாறியுள்ளது. தெலுங்கு பட வெற்றிக்கு அதன் இசையமைப்பாளர் தமனும் ஒரு காரணம். 

    தமிழில்  யுவன் ஷங்கர் ராஜா. பாடல்கள் சற்றே சுமார் ரகம்தான்.என்ன ஆச்சு யுவன்?

    சித்ரா தன் மயக்கும் குரலில் பாடியிருக்கும் "சொல் பேச்சு கேட்காத " பாடல் கேட்கும் ரகம். பாடல் முழுக்க நல்ல ஆர்க்கஸ்ட்ரேஷேன். ஆனால் இந்த ட்யுன் ஏற்கனவே கள்வனின் காதலியில் கேட்ட ஒன்று. 

    விஜய பிரகாஷ், நவீன் பாடிய 'டிங் டிங்" பாடலும், சிம்பு, மன்சி ஸ்கூட் பாடியிருக்கும் "பாட்டு பாட்டும்"  கேட்க கேட்க பிடித்து போகலாம். அந்த இடைவிடாத முயற்சியே சன் பிச்சர்ஸ் பார்த்துக்கொள்ளும்.  

     "இதயம் கரைகிறதே"  ஸ்ரீ வர்தினியின் குரலில் நிஜமாகவே இதயம் கரைகிறது.   .ஆனால் இந்த மெட்டையும்   வேறு எந்த படத்திலோ கேட்ட ஞாபகம்.

    மொத்தத்தில் ஏழு பாடல்கள் இருந்தும் சூப்பர், தூள் என சொல்லகூடிய அளவுக்கு எந்த பாடலும் இல்லை என்பது வருத்தமே. யுவன் ஏமாற்றி விட்டார் என்றுதான் சொல்ல வேண்டும். படத்தை சன் பிக்சர்ஸ் வாங்கியிருப்பதால் பாடல்களை எப்படியும் நம் மண்டைக்குள் புகுத்தி விடுவார்கள்.

    VERDICT : AVERAGE 
    RATING : 2.2 / 5.0

    Friday, July 2, 2010

    வாகமன் - TOUR SPOT


    எப்படி இந்த இடம் இம்புட்டு நாட்களாய் நம் கண்களுக்கு படவில்லை என உங்களை புலம்ப வைக்கும் அருமையான சுற்றுலா தலம் வாகமன். கேரள மாநிலம், இடுக்கி மாவட்டத்தில் அமைந்துள்ள ஒரு பூலோக சொர்க்கம். 

    கடல் மட்டத்திலிருந்து 3500  அடி உயரத்தில்,  கண்ணுக்கெட்டிய தூரம் வரை பச்சை கார்ப்பெட் புல்வெளிகள் என இயற்கையின் பிரம்மாண்டம் நம்  விழிகள் விரிய செய்கிறது. 

    எப்போதுமே தூவிகொண்டிருக்கும் மெலிதான சாரல், ஆள் அரவமற்ற அமைதி, கண்களை குளிர்விக்கும் பசுமை என இங்கு வரும் ஒவ்வொரு மனிதனும் கடவுளாவான்.இயற்கையில் கரைந்து போவான்.

    10  முதல் 25 டிகிரி வெப்பநிலை மட்டுமே நிலவுவதால் பிரிட்ஜில் வைத்தது போல இருக்கிறது ஊர். நம்  கால்களுக்கு கீழ் மிதந்து செல்லும் மேகங்களும், முதுகு தண்டை சில்லிட  வைக்கும் குளிரும் ஒரு ரம்மியமான அனுபவத்தை தருகிறது.  


    குரிசு மலா, முருகன் மலை, தங்கல் மலை என முக்கியமான மூன்று இடங்கள். இதில் குருசு மலாவில் மிக பழமையான புனித செபஸ்டியன் தேவாலயம் உள்ளது. ஓவ்வொரு புனித வெள்ளி அன்றும்   இங்கு கூட்டம் அம்முகிறது. . 

    வாகமன் முழுதும் தேவதாரு மரக்காடுகளும், பச்சை புல்வெளி பிரதேசங்களும், சிறிதும் பெரிதுமான அருவிகளும், ஓடைகளுமாய்  நிறைந்து கிடக்கிறது. இன்னும் அதிகளவு மக்கள் வெளிச்சம் படாததால் பிளாஸ்டிக் குப்பைகள், வாகன இரைச்சல், டீசல் புகை இன்றி புதிதாய் பூத்த  மலர் போல பரிசுத்தமாய் இருக்கிறது.

    அமைதி விரும்பிகள் தவற விட கூடாத அற்புதமான இடம் .


    தற்கொலை முனை












    ஒரு பறவை போல அப்படியே பறந்து போக வேண்டுமென்கின்ற எண்ணம் இந்த இடத்தை பார்த்ததும்  தோன்றுவதை தவிர்க்கமுடியவில்லை. சிறகு இல்லையே என்பது வரமா...சாபமா...











    CINI REFERENCE ..

    கணபதி சில்க்ஸ் விளம்பரத்திற்காக மாதவன் எகிறி எகிறி குதிப்பாரே.. அது இந்த இடத்தில்தான்.

    பையா படதில் .. 'அடடா மழைடா' பாடல்  படமாக்கப்பட்ட இடமும் இதுவே.













    வழிகாட்டி

    கோட்டயத்தில் இருந்து 65 KM
    கொச்சினில் இருந்து 100  KM
    கோவையில் இருந்து 250  KM

    பஸ் வசதி உண்டெனினும், தனி வாகனங்களில் செல்வது உசித்தம்.  ஒவ்வொரு
    ஸ்பாட்டிற்க்கும்  5 - 20 KM  தூர இடைவெளி  இருப்பதால்.

    இந்த இடத்தில் இருக்கும் ஒரே பிரச்சனை. அட்டை பூச்சிகள். சற்றே கவனமுடன் இருப்பது நல்லது. 

    தேக்கடி இங்கிருந்து 60 KM தொலைவிலும், மூணார் 160 KM தொலைவிலும் அமைந்துள்ளது. நேரம் இருப்பின் அங்கும் ஒரு ரவுண்டு அடிக்கலாம். 

    ACCOMONDATION
    தங்குவதற்கு நல்ல ரிசர்ட்டுகள் உள்ளன. குறிப்பாய் SILVER COLOUD CASTLE. சுவையான அணைத்து வகை அசைவ உணவுகளும் இங்கேயே  சமைத்து தருகிறார்கள். 


    இந்த ரிசர்ட் என் நண்பரின் நண்பருடையது. தங்க விரும்புவோர் கீழ்க்கண்ட செல்பேசியில் தொடர்பு கொள்ளலாம். 

    +91 - 98430 73332
    CONTACT PERSON :MR.MOUNA SAMY 













    புகை படங்கள் :நண்பர் மௌன்ஸ் & பாலு.

    you might like this also...

    Related Posts with Thumbnails