விண்ணை தாண்டி வருவாயா... - விமர்சனம்

ரொம்பவும் யதார்த்தமான சினிமா எடுக்கனுமா ? வண்டிய மதுரைக்கு விடு... காதல், பருத்தி வீரன், சுப்ரமணியபுரம் என நாம் பார்த்த யதார்த்த சினிமாக்கள் கிராமத்து பின்னணியில் உருவானவை.... ஆனால் இம்முறை சென்னை நகர பின்னணியில் ஒரு யதார்த்த சினிமா தர முயன்றிருக்கிறார் கெளதம்.. 

படத்தில் ஹீரோ, ஹீரோயின், ஹீரோயிசம் என குறிப்பிட்டு எதுவும் கிடையாது..  நம் தினசரி வாழ்வில் பார்க்கும் சராசரி மனிதர்கள் அவர்களுக்குள் ஏற்படும் இயல்பான காதல், ஊடல், பிரிவு, கோபம், மகிழ்ச்சி, ஸ்பரிசம், போன்றவற்றை சினிமாத்தனம் இன்றி தந்திருப்பதர்க்காகவே பாராட்டலாம்...இம்மாதிரி படங்களில் திடுக்கிடும் திருப்பங்களோ, சீட் நுனியில் அமரவைக்கும் சுவாரசியமான நிகழ்வுகளோ  ஏதுமின்றி வெறும் வசனங்கள், சின்ன சின்ன சம்பவங்கள் மூலமாகவே கதையை நகர்த்தி செல்ல ஒரு தனி திறமை வேண்டும்...  முதற் பாதியில் எளிதாக சிக்ஸர் அடித்த கெளதம் இரண்டாம் பாதியில் சற்றே திணறியிருக்கிறார்...

கார்த்திக், ஜெஸ்ஸி - இருவருக்குமுண்டன காதல்..  என இந்த இரு கதாபத்திரங்களை மட்டுமே வைத்துக்கொண்டு படம் நகர்கிறது.. கிட்டத்தட்ட எல்லா சீன்களிலும் கார்த்திக்கோ, ஜெஸ்ஸியோ இருக்கிறார்கள்.. வேறு எந்த முக்கிய கதா பாத்திரமும் இல்லை. கார்த்திக்கின் நண்பராக வரும் அந்த கேமரா மேன் கணேஷ் மட்டும் கிடைக்கும் கேப்பில் ஸ்கோர் செய்கிறார். 

கார்த்திக்காக சிம்பு, ஆச்சரியம்... விரல் வித்தைகள் ஏதும் இன்றி படம் முழுதும் ரொம்ப இயல்பாய் வருகிறார்... நிச்சயம் சிம்புவுக்கு இந்த படம்  வேறு ஒரு அடையாளம்.  ஆனால் 22 வயது இளைஞனுக்ககுரிய ஒரு துறு துறுப்பு + உற்சாகம்  முகத்தில் மிஸ்ஸிங். வாய்ஸ் மாடுலேஷனிலும் இன்னும் கொஞ்சம் உற்சாகத்தை தெளிதிருக்கலம்..

ஜெஸ்ஸி யாக த்ரிஷா... கார்த்திக்கை பிடிக்கவில்லை எனவும், பிடித்திருக்கிறது எனவும், காதல் வேண்டாம் என்றும், சிலசமயம் வேண்டும் என்றும்,  பிரச்சனை ஆகி விடும் என விலகி செல்வதும், பின் விரும்பி வருவதும், மனதில் காதலை வைத்துக்கொண்டு  அதை மறுப்பதும்,  விரும்பவும் முடியாமல் விடவும் மனசில்லாமல்  தவிப்பதும் என  இக்கால பெண்களின் குழப்பம் + தடுமாற்றங்களை அழகாக பதிவு செய்திருக்கிறார்.

கெளதம் படங்களில் டெக்னிகல் விஷயங்கள் எப்போதுமே சிறப்பாக இருக்கும், இந்த படமும் அதற்க்கு விதி விலக்கு அல்ல..மனோஜ் பரமஹம்ச  ஒளிப்பதிவும், ஆண்டனி யின் எடிட்டிங்கும் சிறப்பு..

இசை.. A.R.R., நீண்ட நாட்களுக்கு பிறகு, தமிழில் மீண்டும் மீண்டும் கேட்க தூண்டும் பாடல்களும், பின்னணி இசையும் இந்த படத்திற்கு ஒரு மிகபெரிய பலம்.

படத்திற்கு நல்ல  ஒபெனிங் இருந்தாலும், எல்லா தரப்பு மக்களையும் இது மகிழ்விக்குமா என்பது சற்று சந்தேகமே... கெளதம் படங்களில் இருக்கும் ஒரு மேஜிக் இதில் இல்லாதது ஒரு குறைதான்.. இருந்தாலும் இது ஒரு நல்ல லவ் ஸ்டோரி.

 WATCH IT FOR LOVE

(+) பிளஸ்.  


வசனங்கள்
இசை,
ஒளிப்பதிவு,
ஹீரோயிசம் இல்லாத காட்சியமைப்புகள்.

(-) மைனஸ் 

மெல்ல நகரும் திரை கதை.

பழைய படங்களை ஞாபகபடுத்தும் காட்சிகள்..

பாடல் காட்சிகள் படமாக்கப்பட்ட விதம் நன்றாக இருந்தாலும், ஓமனே பெண்ணே, கண்ணை கட்டி, பாடல்களை இன்னும் சிறப்பாக எடுத்திருக்கலாம்..

OUR RATING : 5.0 / 10