சச்சின் ரமேஷ் டெண்டுல்கர் - 200*

 

சச்சின் ரமேஷ் டெண்டுல்கர்....

மெல்லிசான தேகம்..5.5 அடி உயரம்..பள்ளிக்கு போகும் சிறுவன் வழி தவறி மைதானத்துக்குள்  நுழைந்து விட்டானோ என்று என்னும் தோற்றம்..16 வயதில் மட்டையுடன்  கராச்சி கிரௌண்டில் இறங்கிய சச்சினை பார்த்து பாக் பௌலர்கள் உதிர்த்த வார்த்தை " பொடியன்". அப்போது யாரும் நினைத்து கூட பார்த்திருக்க மாட்டார்கள்.. இந்த பொடியன்தான் நம்மை தூங்க விடாமல் கனவில் கூட துரத்தி துரத்தி அடிக்க போகிறான் என.....

16 வயதில் இந்தியாவுக்காக ஓட ஆரம்பித்த ரன் மெஷின்... 37  வயதில்.. இன்னமும் ஸ்ருதி குறையாமல் அடித்து நொறுக்கி கொண்டு இருக்கிறது...

மொத்தமாய் 31,045 ரன்கள்... 93 சதம், 147 அரை சதம்.. 240 சிக்சர்கள்..STILL GOING AND GOING... 

எல்லோரும் தான் கிரிக்கெட் ஆடுகிறார்கள்.. ரன் குவிக்கிறார்கள்... ஆனால் சச்சின் ஆடும் பொழுது உள்ள ஒரு ஒழுங்கு.. நளினம்,  PERFECTION,  ஸ்டைல், மிக  நேர்த்தியாக.. ஒரு பூ மலர்வது போல... அவ்வளவு அழகாக இருக்கும்.. கிரிக்கெட்டை ஆத்மார்த்தமாக  நேசிக்கும் ஒருவரால்  மட்டுமே இப்படி ஆட முடியும்...

 இந்தியாவில் மட்டுமல்ல... எல்லா நாடுகளிலும் உள்ள கிரிக்கெட் ரசிகர்களால் விரும்பப்படும் சச்சின் கடந்து வந்த சாதனைகளும் அதற்க்கு  ஈடாக சந்தித்த விமர்சனங்களும், காயங்களும், ஆபரேஷன்களும் கணக்கிலடங்கதவை.

வயதாகிவிட்டது,  பழைய அதிரடி இல்லை, உடல் முழுக்க காயங்கள் என தன் மீது வைக்கும் விமர்சனங்களுக்கு அவர் வாய் திறப்பதே இல்லை. அதற்க்கு பதிலாக அவரது மட்டைதான் ஒன்றிற்கு இரண்டாக பிளந்து கட்டி விமர்சிப்பவரின் வாய்களை அடைக்கிறது.

தனி மனிதனாக அவர் ஷார்ஜாவில் ஆடிய ருத்ர தாண்டவம் அவ்வளவு எளிதில் மறந்து விட முடியாது. அடித்த அடியில்,  அந்த பாலைவன சூட்டிலும் அன்றிரவு காஸ்பரோவிச்சிற்கு குளிர் ஜுரம் கண்டிருக்கும்.

 எவ்வளவோ சாதனைகள் செய்திருந்தாலும், இந்த 200 ரன்கள் இந்தியர்கள் அனைவருக்கும் ஒரு ஆத்ம திருப்தியை கொடுத்திருக்கும். காரணம், 1994 ல்  சயத் அன்வர் நம்  பௌலர்களை பின்னி பெடலடுத்து குவித்த 194 ரன்கள் ஒரு வித ரணத்தை ஏற்படுத்தி விட்டது... அப்போதிருந்தே நாம் இதை முறியடிக்க வேண்டும் என்கின்ற ஒரு ஏக்கம் இத்தனை வருடங்களாக  தொடர்ந்து இதோ 2010 ல் நடந்திருக்கிறது. இடையில் ஒரு ஜிம்பாப்வே வீரர் அதை சமன் செய்தாலும்.... ஒரு இந்தியன் அதை முறியடிக்க வேண்டும் என்கின்ற பிரார்த்தனை நிகழ்ந்தது... அதுவும் சச்சின் மூலமாய் நிகழ்ந்தது ஒரு அற்புதமான விஷயம்..

 

சாதனையின் சிகரம் தொட்ட தலைவருக்கு அடிப்போம் ஒரு ராயல் சல்யுட்.