சகுனி - விமர்சனம்


.
மகாபாரத சகுனியின் பெயரை கெடுத்திருக்கிறார்கள்.....

சூழ்ச்சி என்பது வெகு கவனமாக பின்னப்படும் ஒரு சிலந்தியின் வலை போல... அடுக்கடுக்கான சதிப்பின்னல்களும் அதை செயல்படுத்தும் விவேகமும் உடைய ஒரு ராஜ தந்திரம்தான்.  கார்த்தி இருக்கிறார்... அவர் எதை செய்தாலும்  மக்கள் அதை நம்பிவிடுவார்கள் என்று காதில் பூ சுற்ற முயன்றிருக்கிறார்கள். பூ சுற்றுவதற்கும் ஒரு புத்திசாலித்தனம் வேண்டும்.  திரைக்கதையில் அந்த புத்திசாலித்தனம் இல்லாதது  சகுனியே ரசிக்க முடியாமல் செய்திருக்கிறது.

ரயில்வேயின்  சப்வே திட்டத்திற்காக... அரசு ஆக்கிரமிக்கவிருக்கும்  தன் பாரம்பரிய வீட்டை காப்பாற்றுவதற்காக வழக்கம் போல ரயில் ஏறும் ஹீரோ.. வழக்கம் போல அரசியல்வாதிகளால் விரட்டியடிக்கப்பட... வழக்கம் போல முதல் பாதி முழுதும் ஹீரோயினோடு காதலித்து டூயட் பாடிவிட்டு..  அதற்க்கப்புறம்  சுதாரித்து...  வழக்கம் போல இன்டர்வெல் ப்ளாக்கில் வீட்டை காப்பாற்ற சபதம் போட்டு.. வழக்கம் போல இரண்டாம் பாதியில் அரசியல்வாதி வில்லன்களை ஏமாற்றி வழக்கம் போல இறுதியில் வீட்டை  மீட்கிறார். . என்ன... படிக்கும் போதே நாடி நரம்பெல்லாம் முருக்கேறுகிறதா... படம் பாருங்கள்.. கண் காது மூக்கு கபாலம்  என கண்டதும் கண்டபடி முறுக்கேறும்.




ஹீரோ.. வில்லன்களை தன் புஜ பல பராக்கிரமத்தால் அழிக்காமல்.. தன் புத்தி சாதுரியத்தால் அழிப்பதாய் கதை சொல்லியிருக்கிறார்கள். அங்குதான்.. அங்குதான்... அந்த புத்திசாலித்தனம் என்ன என்பதை திரையில் பார்த்து திகிலடையுங்கள்.

அரசியல் ஒரு விறுவிறுப்பான சதுரங்க விளையாட்டு..  யூகிக்க முடியாத காய் நகர்த்தல்கள்.... தீடிர் தாக்குதல்கள்.. பதுங்கி பாயும் குள்ள நரித்தனங்கள்   என பல நூறு அடையாளம் தெரியா திமிங்கலங்களை  தனக்குள் ஒளித்து வைத்துக்கொண்டிருக்கும் ஒரு மிகபெரிய கடல்.  ஜஸ்ட் லைக் தட்,  ஒற்றை ஆளாய் அதை சொம்புக்குள் அடைப்பதாய் காட்டும் கார்த்தியின் நடவடிக்கைகள் சந்தானத்தின் ஒன் லைனர்களை விட காமெடியாய் இருக்கிறது.



 படத்தை கொஞ்சமேனும் ரசிக்க முடிவதற்கு கார்த்தி சந்தானம் காம்பினேஷன் உதவுகிறது.. மூச்சு திணறும் திரைக்கதைக்கு  அவ்வப்போது  ஆக்சிஜன் கொடுத்து நடமாடும் அளவிற்கு  செய்திருப்பதில் சந்தானத்தின் பங்கு மிக முக்கியமானது. கதாநாயகியாய் பிரணீதா... ஆதி முதல் அந்தம் வரை பொறுமையாய் பார்த்து சைட் அடித்து  மனதிற்குள் உள்வாங்கி கனவில் வரவேற்கலாம் என நினைப்பதற்குள் காணாமல் போய்விடுகிறார். அடுத்த படத்திலாவது அவரது கலை சேவையே முழுதாக பயன்படுத்திக்கொள்ளும்  இயக்குனர் அவருக்கு அமைவாராக...



  கார்த்தி... இதற்க்கு முன்னர் வரை இயக்குனர்கள் டாமினேஷன் அதிகம் இருக்கும் படங்களில் இருந்தவர் முதன் முறையாய் ஒரு புதிய இயக்குனர் கதையில் ரிஸ்க் எடுத்திருக்கிறார்.  புதிய இயக்குனர் சங்கர் தயாள் முதல் படத்திலேயே சீரியசான அரசியல் சப்ஜெக்ட்டை எடுத்து  கவனம் ஈர்த்தாலும் அதை ப்ரெசென்ட் செய்த விதத்தில் ஹோம் வொர்க் செய்யாமல் பள்ளிக்கு வந்து திருட்டு முழி முழிக்கும் மாணவனை போல கோட்டை விட்டிருக்கிறார்.  இருந்தாலும்... ஆபாசம், வன்முறைகள் ஏதும் இன்றி..  பெண்கள், குழந்தைகள் பார்க்கும் படி படம் கொடுத்தது ஆறுதல்.





ஜீ.வீ . பிரகாஷ் பின்னணி இசை நாராசம். பாடல்களில் "மனசெல்லாம் மழையே" கொஞ்சம் காதுகளுக்கும் கண்களுக்கும் இதம். 

முதற்பாதி முழுதும்... அனுஷ்கா.... ஆண்ட்ரியா வருவதற்கெல்லாம் சீன் யோசித்தவர்கள்... இடைவேளைக்கு பிறகு கார்த்தி செய்யும் சகுனி வேலைகளுக்கு  கொஞ்சம் புத்திசாலித்தனமாய் யோசித்திருந்தால் நிச்சயம் சகுனி ஆட்டத்தை சுவாரசியப்படுத்தியிருக்கலாம்.




(+) பிளஸ்

சந்தானம்
கார்த்தி
ஆபாசம், வன்முறைகள் இல்லாதது

(-) மைனஸ்

லாஜிக் ஓட்டை உடைசல்கள்
திரைக்கதை
பின்னணி இசை 

VERDICT : லாஜிக்கே இல்லாத அழுகுணி ஆட்டம்.

 RATING : 4.0 / 10.0

 EXTRA   பிட்டுகள்

மூன்று நாட்களுக்கு முன்னரே... ஆன்லைனில் டிக்கெட் புக் செய்து விட்ட படியால்.. படத்திற்கு வந்த நெகட்டிவ் விமர்சனங்களையும் தாண்டி உதயத்தில் ஞாயிறு காட்சிகள் அனைத்தும் ஹவுஸ் புல். படத்தில் ஒரு வசனம் வரும். "மார்க்கெட்டிங்"  என்னதான் மொக்கை படமாக இருந்தாலும் சரியான அளவில் மார்க்கெட்டிங் செய்தால் போட்ட பணத்தை எடுத்து விடலாம் என்பதற்கு இந்த படம் சரியான உதாரணம். ஒரு வாரம் ஓடினால் கூட போதும்... தயாரிப்பாளருக்கு லாபம்தான்.

இந்த மார்க்கெட்டிங் வித்தைகள் ஏதும் தெரியாமல் இருப்பதால்தான்... ஆளில்லாத கடையில் டீ ஆற்றுவதை போல... என்ன எழுதினாலும் படிக்க ஆட்கள் வராமல் என் வலைப்பக்கம் காற்று வாங்குகிறது.  ஆட்கள் வருகிறார்களோ இல்லையோ நான் டீ ஆற்றுவதை விடுவதாய் இல்லை.


 
 

Comments

  1. இல்லை மனோ.. இந்த படம் தயாரிப்பாளருக்கு லாபம் கொடுத்திருக்கலாம் நிச்சயம் தமிழகம் முழுவதும் வெளியிட்ட தியேட்டர்காரர்களுக்கு பெரிய லாஸ் இருக்கிறது.

    ReplyDelete
  2. நல்ல வேளை..நான் தப்பிச்சேன்...

    ReplyDelete
  3. thanks for your comments cable ji

    ReplyDelete
  4. hai kovai neram

    thanks for your visit

    ReplyDelete
  5. padaththin poster parthe therinjuthu...:)

    ReplyDelete
  6. hai piriyamudan prabhu
    thanks for your comments

    ReplyDelete
  7. ஆட்கள் வருகிறார்களோ இல்லையோ நான் டீ ஆற்றுவதை விடுவதாய் இல்லை.- superb!!!

    ReplyDelete

Post a Comment

Popular posts from this blog

பிளாஷ் பேக் - என் முதல் பிட்டு பட அனுபவம் (18+)

சிந்து சமவெளி - விமர்சனம் (18+)

பழனி செல்பவர்கள் ஜாக்கிரதை.....