Wednesday, June 13, 2012

தடையறத் தாக்க - விமர்சனம்



இது வில்லன்களின் சினிமா...

ஹீரோவுக்கு ஒரு மாஸ் ஓபனிங் பார்த்திருக்கிறோம்.. ஹீரோயினுக்கு ஒரு  கிளுகிளு குளுகுளு ஓபனிங் பார்த்திருக்கிறோம்... ஆனால் வித்தியாசமாய்      வில்லன்களுக்காய் ஒரு டெரர் ஓபனிங் இந்தப்படத்தில்.

 ஆளில்லாத லெவல் கிராசிங்கை கடக்கும் போது.. தீடிரென ரயில் ஹாரன் சப்தம் கேட்டால் ஒரு பதைபதைப்பும் நடுக்கமும் மனசுக்குள் எழுமே...    அதன் வீரியத்தை படம் முழுதும் உணரசெய்திருப்பதில் வெற்றி கண்டிருக்கிறார் இயக்குனர் மகிழ் திருமேனி.

ஒரு பன்ச் டயலாக் கூட இல்லாத வசனங்கள்... ஓவர் பில்ட் அப் செய்ய வாய்ப்பிருந்தும் அடக்கி வாசிக்கப்பட்ட ஹீரோயிசம் என இது கொஞ்சம் வித்தியாச சினிமாதான். கமர்சியல் காம்ப்ரமைசிற்க்காக முதற் பாதியில் இருக்கும் இரண்டு பாடல்களையும் துணிந்து வெட்டியிருந்தால் இன்னமும் படம் ஷார்ப்பாக வந்திருக்கும்.




வாழ்கையில் .... .காதலில்... தொழிலில் என  கொஞ்சம் கொஞ்சமாய்  வெற்றியே ருசிக்க காத்திருக்கும் அருண் விஜய்...  விதி வசத்தால் ஒரு ரவுடி கும்பலிடம் மோத நேரும்போது நிகழும் சம்பவங்கள்தான் கதை.  ஆனால் இதை ஹீரோவின் பார்வையில் சொல்லாமல்... வில்லன்களின் பார்வையில் நகர்த்துவதுதான்  இந்த படத்தின் ஸ்பெஷல் திரைக்கதை.

நிஜத்திலும்  ஒரு நல்ல வெற்றிக்காக காத்துக்கொண்டிருக்கும் அருண்விஜய்க்கு ஏற்ற கதாபாத்திரம். ஓவர் ஹீரோயிசம் செய்து நம்மை துன்புறுத்தாமல் அந்த கதாபாத்திரத்தை ரசிக்க வைத்திருப்பதின் மூலமாக வெற்றிக்கோட்டை எளிதாக தாண்டியிருக்கிறார்.







கான்சர் கொடுத்த மனக்காயங்கள் ஏதுமின்றி புத்துணர்ச்சியாய் வலம் வரும் மம்தா மோகன்தாஸ் படத்தின் ரொமான்ஸ் ஏரியாவிற்கு பொருத்தமாய்  செட்டாகியிருக்கிறார்.  படத்தின் இருள்  நிறம் கொஞ்சமே கொஞ்சம் கலர்புல்லாய்  மாறுவது இவர் வரும் காதல் காட்சிகளால்தான்.

காட்டு கத்து கத்தாமல்.. உடல் மொழியாலும்.. பார்வையாலும் வெளிப்படும் வில்லன்களின் குரூரம் நச்.



முழுக்க முழுக்க இயக்குனரின் கட்டுப்பாட்டில் பயணம் செய்யும் திரைக்கதை... ஒரு த்ரில்லர் படத்திற்கு தேவையான படபடப்பை கொடுத்திருக்கிறது. கசாப்பு கடை பஞ்சாயத்தில் ஆரம்பிக்கும் பதைபதைப்பு கிளைமாக்ஸ் வரை கொஞ்சமும் குறையாமல் தொடர்வது இயக்குனரின் திறமை. முக்கியமாக அருண் விஜய் தன முகம் மறைத்து... வில்லனின் அடியாளை நொங்கெடுக்கும் போது... அதை ஒளிந்து நின்று ரசிப்பதை போலான மனநிலைக்கு நம்மையும் அறியாமல் சென்றுவிடுகிறோம்.

படம் முழுக்க வில்லன்களை சுற்றியே நகர்வதால்....   ஏகப்பட்ட வயலன்ஸ்... ரத்தம்  என பெண்களுக்கும்... குழந்தைகளுக்கும் ஆகாத பாதையில்  படம் பயணம் செய்வது கொஞ்சம் மைனஸ்.


 தமனின் இசையும்... சுகுமாரின் ஒளிப்பதிவும் ஒரு அக்ஷன் த்ரில்லர்க்கு  வேண்டிய மூடை சரியான அளவில் கொடுத்திருக்கிறது.  ஒரு சாமானியன் இருபது முப்பது ரௌடிகளை பந்தாடுவதை நீட்டி முழக்காமல் எடிட்டி இருப்பதில்  எடிட்டரின் புத்திசாலித்தனம் மிளிர்கிறது.

எழுதி இயக்கியிருக்கும் மகிழ் திருமேனி... தன்னை நம்பிய அருண் விஜய்யே காப்பாற்றியிருக்கிறார்.



(+) பிளஸ்

திரைக்கதை
அருண் விஜய்
இயக்கம்


(-) மைனஸ்

மிதமிஞ்சிய வன்முறை

VERDICT :  வித்தியாசமான த்ரில்லர்

RATING    : 4.8/10.0


EXTRA  பிட்டுகள்

அடல்ட்ஸ் ஒன்லி சான்றிதழ் பெற்ற இந்த படத்திற்கு ஞாயிறு மாலை பெண்கள் குழந்தைகள் என பரபட்சமின்றி எல்லோரயும் அனுமத்தித்தார்கள் கமலா தியேட்டரில்.  ஓவர் வயலன்ஸ் படமான இதை குழந்தைகள் ஆர்வமாய் பார்த்ததுதான் கொஞ்சம் பயம்.

3 comments:

  1. இந்த படம் பார்க்கணும் மூணாம் வகுப்பு படிக்கிற என் பொண்ணு அடம் பிடிக்கிறா.என்ன பண்றது ...

    ReplyDelete
    Replies
    1. hai kovai neram..

      thanks for your comments.

      dont go with your child for this movie...

      Delete
  2. film superb.It is a thriller fentastic movie all the best mahi and arun team!

    ReplyDelete

you might like this also...

Related Posts with Thumbnails